Заклучно со месец мај оваа година, во градот Тетово 14 граѓани биле каснати од кучиња сктиници. Сите овие случаи се пријавени во полициската станица во Тетово. Според податоците на СВР Тетово, во 2024 година вкупно 54 граѓани пријавиле каснување од улични кучиња, додека во 2023 година се регистрирани 65 такви случаи.
Каснувања од кучиња сктиници пријавени во СВР Тетово:
2021 – 57 случаи
2022 – 49 случаи
2023 – 65 случаи
2024 – 54 случаи
до 20.05.2025 – 14 случаи
Од центрите што се занимаваат со третирање на кучиња скитници информираат дека во 2024 година биле третирани вкупно 204 кучиња. Од нив, 164 биле вратени на улица по третманот, а 40 биле усвоени и згрижени од граѓани.
Ветеринарот, Ане Апостоловски вели дека во градот Тетово според проценката, би можело да има од 700 до 1.000 кучиња сктиници.
Во јуни истекува договорот на ова прифатилиште со Општината Тетово. Од таму велат дека договорот ќе биде продолжен, но не соопштуваат колку средства се потрошени во 2024 година за третман на кучиња сктиници.
ИЗВОР: ТВ 21
