Во терористичкиот напад во Крокус загинаа 40 лица, повеќе од 100 се повредени, потврди Андреј Воробјов, гувернерот на московскиот регион и изрази сочувство до семејствата на жртвите.
Тој информира дека лекарите продолжуваат да им пружаат помош на сите настрадани. На терен се и два противпожарни хеликоптери.
– Главната задача сега е да се изгасне пожарот. Се шири на голема површина, информира Воробјов.
Неидентификувани маскирани вооружени лица отворија оган во концертна сала во Красногорск, територија во непосредна близина на главниот град Москва. Нападот се случил во Крокус Сити Хол во Красногорск, административниот центар на московската област, за време на концерт.
Рускиот претседател Владимир Путин е информиран за терористичкиот напад во Москва „штом се случил“, а бил информиран од надлежните служби, изјави портпаролот на Кремљ, Дмитриј Песков.
Шефот на руското Министерство за внатрешни работи Владимир Колоколцев е на местото на терористичкиот напад во Крокус. Горните катови на Крокус Сити Хол речиси целосно изгореа, а социјалните мрежи се преплавени со снимки од уривање на покривот на салата.
Најмалку три маскирани лица отвориле оган во концертната сала Крокус Сити Хол во северозападниот дел на Москва, при што има ранети, пренесе Н1 повикувајќи се на РИА Новости. Руските и светските медиуми јавуваат дека има повредени, и можеби загинати луѓе.
Според дописникот на РИА Новости, напаѓачите потоа фрлиле граната или запалива бомба, што предизвикало пожар.
Извор: 24vesti.mk
