ГАЗА (АА) – Најмалку 44 лица, меѓу кои жени и деца, загинаа, а десетици се повредени кога израелски воени авиони ги бомбардираа Кан Јунис, Деир ал Белах и Џабалија во Појасот Газа пред привремениот прекин на огнот, пренесува Анадолу.
Според палестинската новинска агенција ВАФА, најмалку 15 лица загинаа, а 25 лица, главно, жени и деца, се повредени во воздушен напад врз зграда во градот Хамед, западно од бегалскиот камп Кан Јунис.
Во бомбардирањето на куќата на семејството Абу Шамас во регионот Дејр ал Балах во централниот дел на Газа загинаа 24 лица. Дваесет луѓе го преживеаја нападот.
Во воздушниот напад на бегалскиот камп Џабалија во северниот дел на Газа загинаа пет лица, меѓу кои три од тимот за пребарување и спасување. Во ова подрачје е нападнатата уште една куќа.
ВАФА објави дека загинатите и повредените од семејствата на Абду Рабу, Абу Газа, Абу Шамас и Ер-Ријати се пренесени во болницата Акса.
Израелската Влада утринава се согласи на договор за размена на затвореници со палестинската група Хамас во замена за привремен прекин на огнот.
По шестчасовна дебата израелската Влада го одобри договорот со кој 50 заложници, вклучително и деца, мајки и постари жени што ги држеше Хамас во Газа, ќе бидат ослободени во замена за четиридневен прекин на огнот.
На секои десет заложници ослободени од Хамас, прекинот на огнот ќе се продолжува за еден ден.
