ГАЗА (АА) – Најмалку 33 Палестинци загинаа, а голем број се повредени во израелските воздушни и копнени напади врз различни делови на Појасот Газа во текот на ноќта, пренесува Анадолу.
Според државната палестинска агенција ВАФА, здравствени извори потврдија дека 33 лица, меѓу кои деца и жени, загинале, а десетици се повредени во бомбардирањето на десетици куќи во Газа во раните утрински часови.
Израелските сили со интензивен артилериски оган нападнаа и различни подрачја на Кан Јунис на југот на Појасот Газа и бегалските кампови Бурајџ и Ал-Магази во централниот дел.
Поради тековните израелски напади, комуникациските и интернет-услугите во Појасот Газа целосно се прекинати веќе четири дена.
Израел започна немилосрдни воздушни и копнени напади врз палестинската енклава, опустошувајќи голем дел од тесната крајбрежна територија како одмазда за прекуграничниот напад на палестинската група Хамас на 7 октомври.
Оттогаш во израелските напади се загинати најмалку 23.968 Палестинци, меѓу кои 10.300 деца и 7.100 жени.
Според Обединетите нации (ОН), поради смртоносните напади 85 отсто од населението во Газа е интерно раселено поради акутен недостиг на храна, чиста вода и лекови, а 60 отсто од инфраструктурата на енклавата е оштетена или уништена.
Извор: Anadolu Agency (AA)
