Во израелските напади врз Појасот Газа убиен уште еден новинар

ГАЗА (АА) – Израелската војска уби уште еден новинар во Појасот Газа, каде што со месеци продолжува со нападите, пренесува Анадолу.

Според веста на палестинската новинска агенција ВАФА, израелски воени авиони ја бомбардирале куќата на новинарот Исам ал Лулу во регионот Ал Завајда во централниот дел на Појасот Газа.

Во нападот загинаа новинарот со сопругата, синот, снаата и внуката.

Во израелските напади од 7 октомври досега убиени се 121 новинар.

Во израелските напади од почетокот на нападите на 7 октомври досега загинати се 26.422 Палестинци, а 65.087 се повредени.

Министерството за здравство во Појасот Газа вчера објави дека поради продолжувањето на израелските напади, екипите на брза помош и цивилната заштита не можат да ги спроведуваат акциите за пребарување и спасување.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.