ГАЗА (АА) – Во синоќешниот израелски напад на Газа убиени се 4 деца на камерманот на Агенција Анадолу, Мохамед Алалула и уште тројца членови на неговото семејство, известува Анадолу.
Во истиот напад ранети се родителите, сопругата и уште едно дете на Алалула, кој работи како фриленсер репортер за Анадолу.
Куќата на Алалула во потполност е уништена во израелското бомбардирање на бегалскиот камп Ал Магази во Газа.
Сопругата на Алалула е тешко ранета и префрлена е на лекување на интензивна нега.
Најмалку 51 лице се убиени во израелскиот воздушен напад на бегалскиот камп Ал Магази, а ранети се на десетици луѓе.
