Уште едно интервју на Пендаровски, уште една политичка анализа, наместо претседателско обраќање, реагираат од ВМРО-ДПМНЕ, на интервјуто на претседателот на државата за емисијата „360 степени“.
Аналитичарот Пендаровски 5 години не успеа да создаде авторитет кај СДС и ДУИ кои очигледно не го регистрираат, наместо по телевизии да се надева дека нема да му праќаат закони со европско знаменце, подобро ќе беше јавно на прес конференција да го изрази своето негодување со ноншалантниот однос на власта и злоупотребата на европското знаменце за секој закон од кој имаат бизнис интерес.
Во однос членовите на Судскиот Совет, наместо мислења дека било добро, треба да им се извини на граѓаните, зошто тој 5 години е дел од луѓето кои се заслужни за довербата од 2% во судството.
За случајот со Вања, наместо да чекал интервју каде ќе соопшти дека ќе бара од Ердоган екстрадиција од Палевски, тоа до сега требало да го направи.
Пендаровски 5 години едно единствено решение или одлука нема донесено, или ги следи СДС и ДУИ или има краткорочни ставови кои отпосле ги повлекува или го демантира кабинетот, се вели во реакцијата на ВМРО-ДПМНЕ.
Republika.mk – содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
