АНКАРА (АА) – Уште еден новинар е убиен во израелските напади во Појасот Газа, соопшти денес владината канцеларија за медиуми, со што вкупниот број на новинари убиени во палестинската енклава од 7 октомври се искачи на 101, пренесува Анадолу.
„Колегата новинар Ахмед Џамал Ал-Мадхун, заменик-директор на палестинската агенција Ал-Раи и директор на Одделот за визуелни медиуми, се издигна до величините како маченик од рацете на израелското предавство во Северна Газа“, соопшти Канцеларијата за медиуми.
По нападот на палестинската група на отпорот Хамас, Израел започна жестоки напади врз Појасот Газа, во кои загинаа најмалку 20.258 Палестинци, главно жени и деца, а повредени се 53.688, според здравствените власти во енклавата.
Израелските напади ја оставија Газа во урнатини со половина од станбениот фонд оштетен или уништен, речиси 2 милиони луѓе се раселени во густо населената енклава, а постои и голем недостиг на храна и чиста вода.
