Нови 250 милиони евра од унгарскиот кредит од денеска им се достапни на општините. Објавен е вториот оглас, за кои локалните самоуправи до 30 април ќе можат да поднесат проекти, кои сметаат дека им се приоритетни. Министерот за локална самоуправа Перински е оптимист дека парите ќе се потрошат оти во овој повик се отстранети административни проблеми со кои градоначалниците се соочуваа во првиот, а имаат и подолг рок за аплицирање.
Јавноста будно го следи овој процес, преку кој 250 милиони евра кои граѓаните ќе ги враќаат, ќе завршат преку тендери кај приватни градежни компании. Градоначалниците со неколку дилеми – рокот е прекраток за квалитетни проекти, нема доволно градежни фирми во земјава, но и контролен механизам какви проекти ќе се прифатат.
Првиот човек на ЗЕЛС и градоначалик на Кислела Вода Орце Георгиевски не се согласува со неговите колеги.
Проблемот со градежната оператива ќе се надмине ако нема рамка за реализација на проектите, смета Јакимовски, кој тврди дека власта брза поради локалните избори. Министерот Перински вели дека ова не е предизборен поткуп, туку финансиска помош за општините, а смета дека проблемот со оперативата ќе се реши.
Ова е втор сличен повик, откако лани Владата пренамени 150 милиони евра за општински проекти. Пари од новите 250 милиони евра ќе добијат сите општини кои ќе аплицираат, а висината ќе зависи од бројот на жители.
Извор: 24vesti.mk
