Третото четвртфинале на Светското првенство меѓу Англија и Норвешка, кое е закажано за в сабота на стадионот „Хард Рок“ во Мајами, е доведено во прашање поради исклучително неповолни временски услови.
Американската национална метеоролошка служба издаде предупредување за подрачјето на Јужна Флорида, каде што се очекуваат екстремно високи температури, додека метеоролозите предупредуваат на можност за силни грмотевици.
Според извештаите, температурата би можела да достигне и до 43 степени што претставува сериозен ризик за играчите, навивачите и сите присутни на стадионот. Ситуацијата е дополнително комплицирана од големиот облак од сахарска прашина што стигна до Флорида преку Атлантскиот Океан, носејќи многу сув и топол воздух.
Иако поголемиот дел од прашината е на поголеми надморски височини, експертите предупредуваат дека таа може да предизвика проблеми кај луѓето кои страдаат од алергии и респираторни заболувања.
Извор: vecer.mk
