(ВИДЕО) ЕУ мора да биде подготвена за ново проширување до 2030 година, порача Шарл Мишел од Блед

August 28, 2023
2 mins read

За да бидеме веродостојни, верувам дека мора да зборуваме за времето и домашните задачи. И јас имам предлог. Додека ја подготвуваме следната стратешка агенда на ЕУ, мора да си поставиме јасна цел. Верувам дека мора да бидеме подготвени – од двете страни – до 2030 година за проширување – порача првиот човек на ЕУ од Блед и доби аплауз од присутните

До 2030 година, двете страни – ЕУ и земјите кандидатки – мора да бидат подготвени за ново проширување на Европската Унија, порача претседателот на Европскиот совет, Шарл Мишел, во својот говор на денешниот Бледски самит и доби аплауз од присутните.

За да биде посилна и побезбедна, ЕУ треба да ги зајакне нашите врски и да стане помоќна и затоа сега е време да се справиме со предизвикот на проширувањето. И за нас во ЕУ … и за нашите идни земји членки, рече Мишел пред присутните.

„Да, верувам дека вака сега треба да ги нарекуваме земјите со потврдена ЕУ перспектива, идни земји-членки. Време е да се соочиме со предизвиците со јасност и искреност. Патот кон ЕУ за Западен Балкан започна пред повеќе од 20 години. Самитот во Солун, во 2003 година, ја потврди европската перспектива на Западен Балкан. Но, бавното темпо на ова патување во ЕУ разочара многумина. И во регионот … и во ЕУ. Се согласувам со канцеларот Шолц кога вели дека Европа мора да ги исполни своите ветувања. Така што сега проширувањето повеќе не е сон. Време е да се оди напред. За да бидеме веродостојни, верувам дека мора да зборуваме за времето и домашните задачи. И јас имам предлог. Додека ја подготвуваме следната стратешка агенда на ЕУ, мора да си поставиме јасна цел. Верувам дека мора да бидеме подготвени – од двете страни – до 2030 година за проширување. Ова значи дека следниот долгорочен буџет на ЕУ ќе треба да ги вклучи нашите заеднички цели. Ова е амбициозно, но неопходно. Тоа покажува дека сме сериозни“,

истакна претседателот на Европскиот совет во својот говор и додаде дека лидерите на ЕУ ќе разговараат за проширувањето на некои од следните состаноци на Советот.

Тој рече дека се согласува со францускиот претседател Емануел Макрон оти би било фундаметална грешка ако ЕУ не се реформира пред следното проширување.

„Да бидеме искрени, понекогаш го користевме недостатокот на напредок на идните земји членки за да избегнеме да се соочиме со сопствената подготвеност. Сега мора сериозно да го разгледаме капацитетот на ЕУ да апсорбира нови членки. Оваа идеја понекогаш е погрешно сфатена како скриена пречка за пристапување“,

истакна Мишел.

Тој во својот говор се осврна и на билатерлните конфликти од минатото и порача дека нивното решавање може да биде поболно од реформите, но истакна дека е неопходно.

„Нема соработка без помирување. И морам јасно да кажам: нема простор за конфликти од минатото во ЕУ. Вашите луѓе, особено младите, сакаат да бидат инспирирани од посветла, поправедна и попросперитетна иднина. Приклучувањето кон нашата Унија би било одличен доказ за колективен успех. Идеално, сите би се здружиле. Сепак, идните земји членки се во различни фази на нивниот пат кон ЕУ. Но, треба да се погрижиме минатите конфликти да не се внесуваат во ЕУ. И да се користат за блокирање на пристапот на нивните соседи и идните земји членки. Еден начин може да биде да се додаде таканаречена ‘клаузула за доверба’ во договорите за пристапување за да се осигура дека земјите кои штотуку се приклучиле, не можат да ги блокираат идните земји членки“,

изјави Мишел.

Изјавата на Мишел дека ЕУ мора да биде подготвена за ново проширување до 2030 година, брифираат од Владата, ја легитимира и нашата политика на она што власта го определи како целна година за членство на С Македонија во ЕУ.

На 18. стратешки форум во Блед, кој годинава се одржува на тема „Солидарност за глобална безбедност“, а кој ќе трае утре и задутре, премиерот Димитар Ковачевски е придружуван од вицепремиерот за европски прашања, Бојан Маричиќ, и министерот за надворешни работи, Бујар Османи.

ИЗВОР: 360stepeni.mk

Leave a Reply

Your email address will not be published.

VERO JUMBO MACEDONIA

EVN MACEDONIA

MARKETING

Претходно

Ковачевски на Бледскиот форум: Северна Македонија моментално е најдобар кандидат за членство во ЕУ

Следно

Илија Несторовски ќе потпише за Асколи

Latest from Blog

Зи-Зу веќе има договор и наскоро седнува на селекторската клупа на Франција

Француската фудбалска федерација постигна принципиелен договор со Зинедин Зидан за негово назначување за главен селектор на националниот тим, објави „Ел Национал“. Како што беше претходно објавено, 53-годишниот специјалист ќе го замени Дидие

Претседателот на Непал го распушти парламентот и распиша избори

Непалскиот претседател Рамчандра Паудел го распушти парламентот и свика нови избори за 5 март по една недела смртоносно насилство што кулминираше со назначување на првата жена премиер во земјата. Соопштението од канцеларијата

Сите надлежни институции да постапат итно и безмилосно: Сведочиме на ужас кој не смее да се повтори – се користат сите расположливи сили

❗️Почитувани сограѓани, скопјани, во овој момент сведочиме на ужас кој не смее да се повтори, огромен пожар ја уништува животната средина и директно го загрозува здравјето на скопјани! 🫡 Од самиот почеток,

Ѓорѓиевски со екипите на лице место: Сите сили во борба со разгорениот пожар

Скопје се соочува со сериозен пожар кој моментално ја загрозува животната средина и здравјето на граѓаните. Градоначалникот Орце Ѓорѓиевски, заедно со своите колеги Бобан и Дејан, е на терен од самиот почеток
Go toTop