ВИДЕО: Двајца загинати во невремето „Бора“ во Грција

December 1, 2024
1 min read

Две лица го загубија животот на грчкиот остров Лимнос, во невремето „Бора“ што од вчера ја зафати Грција, а Лимнос заедно со Родос се најпогодени, иако проблеми има и во други делови на земјата, јави дописничката на МИА од Атина.

Во поплавено село на островот Лимнос, вчера животот го загубија две лица, а голем дел од жителите беа евакуирани.

На Родос најпогоден беше градот Иалисос каде што улиците беа целосно поплавени, а според надлежниот префект Јоргос Хаѕимаркос биле спроведени десетици спасувачки акции, а предизвикана е материјална штета на домови, бизниси и на патната инфраструктура.

Проблеми има и во централниот и северниот дел на Грција, во Тесалија и на Халкидики, каде што исто така имаше поплавени улици.

Од бројот 112 за итни случаи во изминатите 24 часа беа испратени низа предупредувачки пораки во повеќе области на земјата, на островот Родос информираа дека е воведена забрана за движење со возила поради штетата предизвикана на патната инфраструктура, а од оние што се наоѓаат во конкретни населби на Халкидики, во Солун, Лариса, како и во Платамона, Лептокарија, Скотина и Неи пори беше побарано од граѓаните да ги ограничат нивните движења.

Противпожарната служба на Грција од вчера претпладне до утрово во 5.30 часот примила 1.076 повици за помош, од кои 600 биле на Родос, додека пак од Атина за островот заминале 35 пожарникари со два спасувачки чамци, а на Лимнос биле испратени 25 пожарникари.

Според прогнозите од Националната метеоролошка служба на Грција невремето во одредени делови на земјата ќе трае до понеделник, а од противпожарната служба испратија апел до граѓаните „да бидат особено внимателни и при појава на интензивни временски појави, да ги следат упатствата на надлежните органи“.

Извор: kurir.mk

VERO JUMBO MACEDONIA

EVN MACEDONIA

MARKETING

ЛОКАЛНИ ИЗБОРИ 2025

Претходно

Финансиска полиција истражува кои предмети се чувале во фиока

Следно

Четворица приведени: Врбувале Бразилки на проституција во два стана во Скопје, наплаќале до 800 евра

Latest from Blog

Сидни Свини: Се здебелив 16 килограми поради новата улога (ВИДЕО)

28-годишната ѕвезда, номинирана за наградата Еми, блесна во елегантен розов фустан на премиерата на филмот „Кристи“, која се одржа вчера вечер во лондонската Кралска фестивалска сала, пишува Just Jared. Се појави во

Австралиец е неуништлив: Го киднапирале, го застрелале и го оставиле во шума- преживеал и напад од диво животно

Неговата борба вклучувала одбрана од диво животно кое сакало да го изеде и користење растенија за да го запре крварењето. Сè започнало на 16 ноември, кога Демпси наводно бил киднапиран од неговиот

Роналдо прво промаши пенал, ама потоа го постигна еден од најубавите голови во кариерата! (ВИДЕО)

ФОТО: FC Al-Nasr/FB Кристијано Роналдо уште еднаш покажа, и покрај возраста дека е екстра класа. Имено вечерва Португалецот го постигна веројатно еден од најубавите голови во својата кариера. Уф, каков гол? Фантастичен,

Во мојот град, повеќе не можеш да носиш саат на раката за да не ти го украдат, ниту да извадиш мобилен телефон.

Зошто англичаните бегаат од Англија. Се почесто, и се помлади. Некогаш пензионерите заминуваа во ефтини куќи во Бугарија или Кипар, тие со малку поголеми пензии во Португалија или Малта… Но, времињата се
Go toTop