Велика Британија размислува да ја снабди Украина со тенкови

January 9, 2023
1 min read

Според информациите, сè уште не е донесена конечна одлука, но таквиот потег ќе ја направи Британија првата нација која одговорила на молбите на украинските лидери до западните сојузници да ја опремат нејзината војска со моќни тенкови

Велика Британија размислува за првпат да и испорача на Украина борбени тенкови за да и помогне на нејзината армија во борбите против Русија, пренесува Гардијан.

Фото: EPA-EFE/ PHILIPP GUELLAND

„Скај њуз“, цитирајќи западен извор запознат со разговорите објави дека „веќе неколку недели“ се водат дискусии за испорака на одреден број британски борбени тенкови од типот Челинџер 2 на украинската војска.

Според информациите, сè уште не е донесена конечна одлука, но таквиот потег ќе ја направи Британија првата нација која одговорила на молбите на украинските лидери до западните сојузници да ја опремат нејзината војска со моќни тенкови.

Ова, како што се наведува ќе помогне да се охрабрат и другите сојузници на НАТО, особено Германија, да го следат примерот на Британија. Еден украински извор рече:

„Тоа би ги поттикнало и другите да испорачаат тенкови“,

рекол неименуван украински извор.

Според изворите на телевизијата „Скај њуз“, Велика Британија може да понуди околу 10 тенкови Челинџер 2, што би било доволно за опремување на еден ескадрон.

Францускиот претседател Емануел Макрон минатата недела го извести својот украински колега Володимир Зеленски дека неговата влада ќе испрати лесни борбени борбени возила „еј-ем-икс-10 рц“ за да ѝ помогне на Украина во нејзините воени напори.

Истовремено американскиот претседател Џо Бајден изјави дека Вашингтон размислува да испрати борбени возила од типот „бредли“ во Украина, но, не и тенкови.

Украинскиот претседател и покрај благодарноста до западните сојузници, сепак инсистира војската на неговата земја да биде снабдена со тенкови.

„Ова е нешто што испраќа јасен сигнал до сите наши партнери. Не постои рационална причина зошто Украина сè уште не е снабдена со западни тенкови“,

рече Зеленски.

Извор: 360stepeni.mk

MARKETING

MARKETING

Претходно

Завршен настан од манифестацијата „Бадникови поворки“: Божиќен концерт во Филхармонија

Следно

Силен земјотрес со јачина од 7,7 степени ја погоди Индонезија

Latest from Blog

Вечерва се отвора 65. издание на фестивалот „Охридско лето“

Со гала концерт на американска пијанистка со блескава уметничка кариера, Клер Хуангчи, во придружба на орекестарот на Македонската филхармонија под диригентска управа на маестро Едвин Оутвотер вечерва на Античкиот театар ќе биде

65. ОХРИДСКО ЛЕТО ОТВОРА СО АМЕРИКАНСКАТА ПИЈАНИСТКА КЛЕР ХУАНГЧИ И ФИЛХАРМОНИЈАТА

Под мотото „Трансформација на сетилата“  вечерва во 21 часот на Античкиот театар во Охрид ќе биде отворено јубилејното 65. издание на фестивалот Охридско лето. Отворањето е со  концертот на американската пијанистка Клер

ЦУК: Состојба со пожарите во Македонија

На веб страницата на Центарот за управување со кризи, според вчерашните информации до до 18:30 часот, на територијата на државата се евидентирани вкупно 25 пожари на отворен простор: АКТИВНИ пожари (5): Општина

Четири активни пожари низ Македонија

До пладне, во државата се регистрирани вкупно 14 пожари на отворено. Од Дирекцијата за заштита и спасување информираат дека четири од нив се уште се активни – во општина Дојран, кај селото

Ѓоковиќ: Ова не е крај за мене на Вимблдон

Новак Ѓоковиќ даде интервју за новинарите, во кое кажа кои мисли дека се причините за неговиот пораз од Јаник Синер денес. “Реалноста ме стигна во последните година и половина како никогаш досега…
Go toTop