Вечер со уд и уметникот Јозеф Тавадрос на „Охридско лето“

August 15, 2023
1 min read

Музичката програма на „Охридско лето“ за денеска нуди интересна содржина, концерт на египетско-австралискиот уметник Јозеф Тавадрос кој во салата на катедралната црква „Света Софија“ ќе ги донесе звуците на удот.

Џозеф Тавадрос е водечки виртуоз на инструментот уд, композитор и добитник на седум награди „Арија“ кои ги доделуваат претставниците на музичката индустрија во Австралија.

Роден е во Каиро, неговата инструментална определба е инструментот уд, еден вид арапска лаута, претходник на лаутата и модерната гитара.

Виртуоз во вистинска смисла на зборот, не само според неговите технички можности, туку и со неговата разновидност и чувствителност, Тавадрос настапува во концертните сали ширум светот поместувајќи ги границите на музичката изведба, и делејќи ја сцената со бројни изведувачи во интерпретација на иновативна, оригинална музика. Настапува како солист или во дуо со неговиот брат Џејмс на египетски перкусии, како и со неговиот џез квартет или како солист со камерни и симфониски оркестри.

Досега ги има изведувано сопствените композиции со Австралискиот камерен оркестар, Симфонискиот оркестар на „Би-Би-Си“, Симфонискиот оркестар на Аделаида, Националниот оркестар на Украина, Камерата Салцбург, а неговиот Концерт за уд и симфониски оркестар што го изведе со Симфонискиот оркестар од Сиднеј е поместен на издание на „АБЦ класикс“ во 2019 година. Досега тој е првиот и единствен австралиски музичар чије дело е изведено од страна на Академијата за стара музика во Велка Британија. Има снимано музика со бројни џез музичари: Џон Аберкромби, Рој Ејрс, Џек де Џонет, Бела Флек, Мајк Стерн, Џои де Франческо, Ричард Бона и Кристијан Мекбрајд. Во светот на класичната музика се издвојуваат неговите соработки со Ричард Тоњети, Вилијам Бартон, Браќата Григоријан, Кристијан Линдберг и Андреас Шол. Негови изведби можат да се слушнат на повеќе филмски и телевизиски остварувања. Оваа година Тавадрос настапи на отворањето на Светскиот економски форум во Давос, а од страна на Бритн Синфониа во Англија премиерно ќе биде изведено неговото дело „ Три стадиуми на ретроспектива“. Тавадрос е избран да биде еден од 50 композитори кои ќе напишат фанфар во чест на 50-годишнината на Сиднејската опера. Во 2016 година, Џозеф Тавадрос е одликуван со орденот на Австралија за неговиот придонес кон музиката.

Концертот ќе почне во стандардниот фестивалски термин од 21 часот, а на програмата се авторски дела на самиот уметник.

Republika.mk – содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

ИЗВОР: republika.mk

MARKETING

MARKETING

Претходно

Ангелов: Досега имало 223 пожари на отворено во земјава, секојдневно се гасат по 20 пожари

Следно

ВИДЕО: Цистерна со цемент експлодира во Белград

Latest from Blog

Градоначалникот на Дојран, Ангов: Будно ја следиме состојбата со пожарите на терен

Градоначалникот на Дојран, Анго Ангов, вечерва преку својот фб профил им се заблагодари на сите учесници кои учествуваа во гаснењето на пожарот крај Дојранското Езеро. Фб, статусот ви го пренесуваме во целост:

Министерство за здравство: Се следи состојбата со пожарите на терен и се постапува согласно развојот на настаните

Министерството за здравство информира дека во контекст на актуелните пожари, здравствениот систем „е целосно мобилизиран и подготвен за навремен и соодветен одговор на евентуалните последици“… Формирани се дополнителни медицински тимови, обезбедени се

Челникот на Анадолу на изложбата на İstanbul Photo Awards: Секоја фотографија ја пренесува состојбата на светот

ИСТАНБУЛ (АА) – „İstanbul Photo Awards“ уште еднаш покажува дека секоја фотографија со документарна вредност не е само слика туку јазик за разбирање и пренесување на состојбата на светот и суштината на
Go toTop