Важна информација за сите кои идната недела ќе одат во Грција: Ако добиете ваква порака, не ја игнорирајте

June 7, 2024
1 min read

Топло лето во Грција со силни и редовни топлотни бранови, најавуваат метеоролозите. Топлотниот бран од минатата година стана најдолгиот во историјата на земјата, според висок претставник на Националната опсерваторија.

-Според податоците, веројатно ќе поминеме низ 16-17 дена топлотен бран, каков што досега не се случил во нашата земја, изјави за телевизијата ЕРТ Костас Лагувардос, директор за истражување во Националната опсерваторија.

Грција се подготвува за „исклучително тешко“ лето и ќе ја зајакне својата превенција од шумски пожари и механизмот за гаснење пожари, бидејќи климатските промени се закануваат со високи температури, велат локалните власти.

Оваа година властите се подготвуваат да се борат со пожарите со „повеќе жива сила од кога било“, мобилизирајќи приближно 18.000 пожарникари, вклучително и специјално обучена единица, и инвестирајќи над 2 милијарди евра во нова опрема, како и седум авиони што фрлаат вода и 1.100 противпожарни возила, објави министерот за климатски кризи и цивилна заштита, Василис Кикилијас.

-Сите кои ќе доаѓаат во Грција во текот на идната недела треба да знаат дека ќе биде многу топло, во некои делови од Грција температурата ќе надминува 40 степени. Тоа значи дека ќе биде зголемена опасноста од пожари. Доколку се случи пожар во ваша околина и ако добиете порака од бројот 112, придржувајте се до дадените упатства. Се надевам дека нема да дојде до тоа, но не е лошо луѓето да бидат информирани што значи порака од бројот 112. Звукот на пораката е исклучително иритантен и прекинува во оној момент кога пораката ќе ја видите и ќе ја затворите. Можни се пораки како предупредување заради превентива, пишува на популарна Фејсбук група наменета за туристите во Грција, Радмило Белиќ кој долги години живее таму.

Минатата година, 20 луѓе ги загубија животите поради шумски пожари, изгореа над 120.000 хектари шуми и обработливо земјиште, а стотици куќи беа оштетени или уништени.

Минатиот јули, рекордни 46,4 Целзиусови беа забележани во Гитео, лоциран во регионот на Пелопонез. Ова постави нов рекорд за највисока температура досега забележана во Грција од почетокот на рекордите во 2006 година.

Научниците велат дека климатските промени ги прават топлотните бранови подолги, поинтензивни и почести.

Извор: kurir.mk

MARKETING

MARKETING

Претходно

Пензиите во Косово доволни за бурек и супа

Следно

Бајден изјави дека Израел ја зема предвид загриженоста на САД поради израелските напади врз Рафа

Latest from Blog

Поранешни и сегашни играчи на Ливерпул и на Португалија пристигнаа на погребот на Жота

Поранешни и сегашни играчи на Ливерпул веќе се во Португалија за да присуствуваат на погребот на Диого Жота и неговиот брат Андре Силва, кој започнува утрово во 11:00 часот. Поранешните ривали на

Трамп: Следната недела можен е договор за прекин на огнот во Газа по „позитивниот“ одговор на Хамас

АНКАРА (АА) – Американскиот претседател Доналд Трамп изјави дека следната недела можно е да се постигне договор за прекин на огнот меѓу Израел и Хамас, по она што го опиша како „позитивен“

За коридорите 8 и 10д минатиот месец исплатени 681.026.665 денари на Бехтел и Енка

Изградбата на автопатските делници од коридорите 8 и 10д продолжува со засилен теренски ангажман, покажува најновиот месечен извештај за надзор на работите. Во мај изведувачот „Бехтел и Енка“ најмногу работел на геотехнички

Зголемен интензитетот на сообраќај, на „Табановце“ и „Богородица“ се чека до 40 минути

Сообраќајот на државните патишта се одвива непречено, по суви коловози. Интензитетот на сообраќај на патните правци надвор од градските средини е зголемен. На граничните премини од македонска страна време на чекање на
Go toTop