Поранешниот менаџер на Манчестер јунајтед, Луис ван Гал, верува дека клубот од „Олд Трафорд“ е повеќе комерцијален клуб отколку фудбалски клуб.
– Тие не се фудбалски клуб. Го кажав тоа и претходно и секогаш е тешко. Кога менаџерот не е тој што одлучува кој играч треба да дојде, многу е тешко“, изјави 73-годишниот Холанѓанец за „Скај Спортс“.
Според Ван Гал, Манчестер јунајтед нема да биде успешен освен ако на менаџерот Рубен Аморим не му се даде можност сам да ги избере своите играчи.
– Кога други луѓе купуваат играчи, имате проблем. Ви треба знаењето на менаџерот бидејќи тој мора да ги тренира“, рече ван Гал. Земете го за пример менаџерот на Ливерпул, Арне Слот. Таму тој кажува кој фудбалер да се купи, истакна Ван Гал.
Тој го тренираше Манчестер јунајтед од 2014 до 2016 година. Клубот го освои ФА Купот во сезоната 2015/16. Неговата последна работа беше со репрезентацијата на Холандија (2021/22).
Извор: kurir.mk
