АНКАРА (АА) – Уште еден израелски војник загина во Појасот Газа, со што бројот на загинати војници се искачи на 35 откако Израел ја прошири копнената офанзива во блокираната енклава на 27 октомври, соопшти Армијата денес, пренесува Анадолу.
Во соопштението на израелската војска се вели дека војник од 8219-тиот Баталјон на борбениот инженерски корпус бил убиен во борбите во централниот дел на Појасот Газа.
Уште пет војници беа сериозно ранети во приморската територија, објави јавната телевизија КАН.
Израел соопшти дека 35 војници се убиени, а повеќе од 260 други повредени откако почна со проширени копнени операции во Појасот Газа на 27 октомври.
Најмалку 10.569 Палестинци, вклучувајќи 4.324 деца и 2.823 жени, се убиени во израелските воздушни и копнени напади во Појасот Газа по прекуграничен напад на палестинската група Хамас на 7 октомври. Бројот на израелски жртви, пак, изнесува речиси 1.600, според официјалните бројки.
Покрај големиот број жртви и масовните раселувања, основните резерви за 2,3 милиони жители на Газа се при крај поради израелската опсада.
