ГАЗА (АА) – Уште тројца израелски војници загинаа во борбите со палестинските групи на отпорот низ Појасот Газа, објави денес израелската Армија, пренесува Анадолу.
Во соопштението цитирано од веб-страницата „Тајмс оф Израел“, израелската Армија соопшти дека уште двајца војници биле тешко ранети во борбите во јужниот дел на Газа.
Вкупно 223 израелски војници се загинати во Газа од почетокот на израелската копнена операција на 27 октомври.
Бројот на загинати израелски војници од почетокот на војната во Газа на 7 октомври се искачи на 560.
Израел започна напад врз Појасот Газа по прекуграничниот напад на палестинската група Хамас на 7 октомври, при што според здравствените власти во Газа досега загинати се најмалку 26.751 Палестинец, главно жени и деца, а повредени се 65.636.
Се смета дека околу 1.200 Израелци се загинати во нападот на Хамас на 7 октомври.
Извор: Anadolu Agency (AA)
