Уништувањето на браната Каховка може да има негативни последици за нуклеарната централа

Водата од акумулацијата што ја држи уништената брана, се вели дека е потребна за безбедносните системи на нуклеарната централа Запорожје, инаку најголема во Европа

Енергоатом, државната агенција за нуклеарна енергија на Украина, реагираше на уништувањето на браната Нова Каховка, велејќи дека тоа „може да има негативни последици за нуклеарната централа Запорожје“, додавајќи дека „ситуацијата е под контрола“.

„Ноќта на 6 јуни 2023 година, руските агресори ја разнесоа браната на хидроцентралата Кахока“,

се вели во соопштението на Енергоатом, во кое се нагласува дека „брзото спуштање“ на нивото на водата во акумулацијата „претставува дополнителна опасност за привремено окупираната нуклеарна централа Запорожје“.

Засега базенот за ладење на нуклеарната централа е полн, се вели во соопштението. Водата од акумулацијата што ја држи уништената брана, се вели дека е потребна за безбедносните системи на нуклеарната централа Запорожје, инаку најголема во Европа.

Енергоатом ја следи ситуацијата и ги следи постапките на работниците во нуклеарната централа заедно со други меѓународни организации, пред се Агенцијата за атомска енергија на ОН, се наведува во соопштението.

(ВИДЕО) Уништена важна брана кај Херсон, Зеленски свика итен состанок

Фото: EPA-EFE/SERGEI ILNITSKY