Унгарија најави дека ќе инсталира систем за противвоздушна одбрана во североисточниот дел на земјата бидејќи заканата од ескалација на украинско-руската војна е „поголема од кога било“.
Министерот за одбрана Кристоф Салај-Бобровнички рече дека Унгарија верува дека ќе се преговара за мир што е можно поскоро, и тоа преку дипломатски средства, а не со „воено решение“.
„Меѓутоа, мора да се биде подготвен за сите можности, поради што наредив неодамна купените системи за противвоздушна одбрана да бидат преместени на североисток од земјата. Заканата од ескалација на украинско-руската војна е поголема од кога било“, рече унгарскиот министер за одбрана.
Унгарија, која е членка на ЕУ и НАТО, често е критикувана од своите сојузници бидејќи се чини дека е многу поблиска до Русија отколку до другите членки на алијансата и ЕУ, особено откако унгарскиот премиер Виктор Орбан се сретна со рускиот претседател Владимир Путин во Москва во јули оваа година.
Во тоа време, Орбан рече дека треба да се преземат многу чекори за да се стави крај на војната.
„Го направивме првиот чекор за повторно воспоставување на дијалогот“, рече тогаш Орбан.
Извор: kurir.mk
