Канцеларијата на главниот обвинител на Украина соопшти дека како резултат на руската вооружена агресија во земјата загинале 499 деца, пренесува Анадолу.
Во соопштението на Канцеларијата на главниот обвинител се наведува дека од сеопфатната војна што ја започна Русија настрадале голем број деца во Украина.
„Според официјалните податоци, загинаа 499, а повредени се над 1.090 деца“, се истакнува во соопштението, во кое се додава дека овие бројки не се конечни.
Во ова соопштение се нагласува дека од војната во Доњецк настрадале 483 деца, во Харков 129 деца, во Херсон 117 деца, во Запорожје 97 деца, во Миколајив 95 деца, во Днипропетровск 94 деца, во Чернигов 71 дете и во Луганск 67 деца.
Извор: www.aa.com.tr
