Уганда: 25 ученици убиени во терористички напад на училиште

КАМПАЛА (АА) – Терористи вчеравечер нападнаа средно училиште во округот Касесе во западна Уганда, при што се убиени 25 ученици, а 8 се потешко ранети, објави полицијата, известува Анадолу.

Портпаролот на полицијата Фред Енанга изјави дека бунтовниците на Сојузничките демократски сили (АДФ), откако ги убиле учениците, го ограбиле училиштето и ги запалиле спалните соби.

„Синоќа бунтовниците на АДФ го нападнаа средното училиште Лхубирира во Општината Мпондве, што се наоѓа на околу 2 километри од границата со ДР Конго. Досега 25 тела се извлечени од училиштето и префрлени се во болницата Бвера“, изјави портпаролот, додавајќи дека во болницата се префрлени и 8 повредени ученици.

Бунтовниците избегале кон Националниот парк „Вирунга“ во ДР Конго, каде што ги гонат угандската војска и полицијата.

Бунтовниците на АДФ потекнуваат од западна Уганда, каде се организирале во доцните 1990 година со цел да го соборат од власта претседателот Јовери Мусевени, но беа совладани од војската на Уганда. Избегаа во шумите на истокот од ДР Конго, од каде што често ги напаѓаат селата и ги убиваат невините цивили.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS)..