ГАЗА (АА) – Најмалку 47 Палестинци се убиени ова утро во израелските воздушни напади на згради во градот Џабалија и на бегалскиот камп Деир ал-Балах во Појсот Газа, пренесува Анадолу.
„Убиени се 35 Палестинци, а десетици се повредени во текот на денешните израелски бомбардирања на згради во градот Џабалија во северниот дел на Појасот Газа“, објави палестинската новинска агенција ВАФА.
Локалните извори објавија дека во нападот се ранети најмалку 90 лица, а голем број Палестинци сѐ уште се наоѓаат под урнатините.
„Израелски воени авиони бомбардираа и куќа во бегалскиот камп Деир ал-Балах, убивајќи најмалку 12 Палестинци и ранувајќи десетици“, објави ВАФА.
Паралелно со ова, израелската артилерија го гранатираше и дворот на болницата Насер во Хан Јунис во јужниот дел на Појасот Газа, ранувајќи две момчиња.
И израелската морнарица гранатираше неколку подрачја северно од Хан Јунис и неговиот западен брег.
Извор: www.aa.com.tr
