Според неофицијални информации од локалните медиуми, убиен е Зоран Гргиќ, поранешен политичар на ХДЗ и пратеник од почетокот на 2000-тите. Гргиќ бил и член на Советот за цивилен надзор на безбедносните и разузнавачките служби на Хрватскиот парламент и имал голем број локални политчки функции, објави Телеграф.
Осомничениот е маж во 30-тите години кој наводно испукал неколку куршуми во Гргиќ. Пред пукотницата, двајцата мажи го поминале денот заедно во куќата на таткото на Гргиќ.
Полициски и амбулантни возила се наоѓаат пред куќата каде што се случило убиството.
Според хрватските медиуми, осомничениот веќе ѝ е познат на полицијата. Мештаните тврдат дека тој и Гргиќ се дружеле во пикник-зоната Љешкове Воде, а потоа осомничениот го чекал и го убил на патот.
По злосторството, осомничениот избегал, а полицијата го бара. Сообраќајот кон Љешкове Воде и Врховина моментално е блокиран.
Извор: vecer.mk
