ИСТАНБУЛ (АА) – Турските безбедносни сили неутрализираа петмина терористи на ПКК во Северен Ирак, соопшти денес турското Министерство за национална одбрана, пренесува Анадолу.
Тројца терористи се неутрализирани во областа на операцијата „Канџа-катанец“ во Северен Ирак и двајца во регионот Хакурк, соопшти Министерството на платформата Х.
Борбата на Туркије против тероризмот „продолжува ефективно и решително“, се додава од Министерството.
Во својата над 35-годишна терористичка кампања против Туркије, ПКК, која е ставена на листата на терористички организации од страна на Туркије, САД и ЕУ, е одговорна за смртта на над 40.000 луѓе, меѓу кои и деца и жени.
Терористите на ПКК често се кријат во Северен Ирак за да планираат прекугранични напади во Туркије.
Туркије ја започна операцијата „Канџа-катанец“ во април 2022 година со цел уништување на засолништата на терористичката организација ПКК во северните ирачки региони Метина, Зап и Авашин-Басјан во близина на турската граница.
Извор: Anadolu Agency (AA)
