АНКАРА / ИСТАНБУЛ (АА) – Турскиот претседател Реџеп Таип Ердоган денес се состана со својот украински колега Владимир Зеленски во главниот град Анкара, јавува Анадолу.
На состанокот зад затворени врати присуствуваа и неколку други високи турски официјални претставници, меѓу кои и министерот за надворешни работи Хакан Фидан, министерот за национална одбрана Јашар Ѓулер, директорот за комуникации Фахретин Алтун и Акиф Чагатај Килич, главен советник на турскиот претседател за надворешна политика и безбедност.
По билатералната средба меѓу Ердоган и Зеленски, ќе се одржи работна вечера меѓу делегациите, а ќе се одржи и церемонија на потпишување на договори и заедничка прес-конференција.
Зеленски престојува во официјална посета на Туркије на покана на Ердоган.
Посетата на Зеленски се случува во време на сѐ поинтензивните извештаи за преговори за ставање крај на тригодишната руско-украинска војна.
Извор: Anadolu Agency (AA)
