АНКАРА (АА) – Разузнавачката служба на Туркије (МИТ) во северните делови на Ирак го неутрализира Ахмет Ѓумуш, терорист на ПКК / КЏК, т.н. одговорен за образование во рамките на терористичката структура, јавува Анадолу.
Според информациите до кои дојде новинарот на Анадолу од безбедносни извори, утврдено е дека терористот Ѓумуш, со кодно име „Џуди Енгизек“, обуката за атентати ја минал во Грција, по што му бил телохранител на терористот Мурат Карајилан, еден од водачите на терористичката организација ПКК и планер и реализатор на голем број акции против турските безбедносни сили.
Утврдено е дека Ѓумуш учествувал во акциите врз неколку полициски станици во Туркије, припадниците на терористичката организација стручно ги обучувал за убиства и учествувал во развојот на системот за вооружување во името на организацијата.
Ѓумуш беше одговорен за школите на ПКК/КЏК за атентати во Сирија, во кои се обучуваа членовите на организацијата.
Терористот Ѓумуш е следен извесен период, а неутрализиран е во операција на МИТ изведена во ирачкиот регион Гара.
ПКК е сепаратистичка организација што се наоѓа на листата на терористички организации на Туркије, Европската Унија и во САД. Во текот на повеќедецениската терористичка кампања против Туркије, терористите на ПКК убија над 40.000 луѓе.
Извор: www.aa.com.tr
