АНКАРА (АА) – Турската разузнавачка служба (МИТ) изврши успешна операција во Ајн ал Араб во Северна Сирија и го неутрализира Сабри Абдула, висок терорист на ПКК/ЈПГ, кој повикуваше на напади во турските градови, јавува Анадолу.
Станува збор за терорист што го користеше и кодното име „Мазлум Карамок“, кој е ранет во операцијата на МИТ во 2018 година, а терористите на ПКК ја лажираа неговата смрт. Тој остана на врвот на таа терористичка организација и заедно со Фехман Хусеин, познат и како „Бахоз Ердал“, организираше напади врз припадници на МИТ.
Припадниците на МИТ го лоцираа терористот Абдула и го неутрализираа во сириски Ајн ал Араб.
Тој раководел со подготовки на терористички напади и бил задолжен за разузнавачките активности и „чистка“ на неистомислениците во рамките на терористичката мрежа ПКК.
Абдула е член на ПКК од 2010 година и има користено неколку кодни имиња за потребите на терористичките активности во Туркије и во Северна Сирија.
Токму Абдула беше терористот што даваше инструкции за терористичките напади во големите турски градови, а не одговараше ниту за обвинувањата за силување жена во Сирија што потоа изврши самоубиство.
Извор: www.aa.com.tr
