АНКАРА (АА) – Претседателот на Туркије и претседател на Партијата за правда и развој (АК партија), Реџеп Таип Ердоган, денес зборуваше на состанокот на парламентарната група на неговата партија во турското национално Собрание, известува Анадолу.
Турскиот претседател во своето обраќање ја истакна сѐ поголемата улога на Туркије во светот и додаде дека глобалните сили сѐ повеќе признаваат дека секој меѓународен план веројатно нема да успее без Туркије.
„Туркије веќе не е обичен статист во игрите на големите сили, туку водечки актер со свое сценарио и иницијаторска улога“, истакна Ердоган.
Осврнувајќи се на светската економија, претседателот на Туркије предупреди дека трговската војна предизвикана од воведените царини ќе има глобални последици и ја спореди со турбулентна бура што ќе влијае врз сите.
Зборувајќи за царините што претседателот на САД, Доналд Трамп, се труди да ги воведе за увозните продукти, Ердоган посочи дека Туркије е меѓу нациите „со ниски американски царини“ и додаде:
„Тоа ќе овозможи полесно да го надминеме овој период во споредба со многу други земји. Нашиот деловен свет може да биде спокоен.“
Извор: Anadolu Agency (AA)
