АНКАРА (АА) – Таканаречениот раководител за Централна Азија во рамките на терористичката организација ФЕТО, Орхан Инанди, кој беше донесен во Туркије со операција на МИТ, е осуден на 21 година затвор, јавува Анадолу.
На Инанди денес од 23-от Висок кривичен суд во Анкара му беше изречена пресудата, кој на рочиштето присуствуваше придружуван од адвокат.
Инанди пред судот зборуваше за неговите активности во рамките на ФЕТО, и призна дека бил водач на таа организација во Киргистан, но негираше вина и побара ослободување.
Судскиот совет потоа ја прочита првостепената пресуда со која Инанди е прогласен за виновен за кривичното дело „членство во вооружена терористичка организација“, за што е осуден на 21 година затвор.
Орхан Инанди, кој беше донесен во Туркије со операција на турската разузнавачка служба МИТ, беше предаден на правосудните органи на 5 јули 2022 година.
Во обвинението за Инанди е побарана затворска казна од 15 до 22 години и шест месеци за „раководење со вооружена терористичка организација“.
Инанди, кој не сакаше да ја искористи можноста за покајание, прифати дека е одговорно лице на ФЕТО за Централна Азија и даде информации за структурирањето на организацијата во овој регион.
Тој ги дешифрира и имињата и подрачјата на одговорност на многу раководители на ФЕТО, кои досега не беа дешифрирани.
Извор: www.aa.com.tr
