Русија има предност во војната и тоа е реалноста. Американскиот претседател Доналд Трамп со уште една брутална порака до украинските и европските лидери.
Во пресрет на нова рунда преговори меѓу двете страни и средбата меѓу Трамп и Путин, претседателот на САД вели дека и во Москва има голема распложеност за крај на војната која веќе три години беснее на истокот на Европа.
„Мислам дека Русите сакаат да го видат крајот на војната, навистина мислам. Мислам дека тие ги имаат картите, бидејќи зазедоа многу територија. Тие ги имаат картите.“ – Доналд Трамп претседател на САД.
А откако се засилија гласините за испраќање на војници на истокот на Европа, стигна одговор од Москва. Во никој случај не може да се дозволи присуство на НАТО трупи на украинска територија. Според најавите, околу 30.000 европски војници би биле распоредени во украинските градови, пристаништа и критична инфраструктура, но далеку од фронтот.
„НАТО во Украина? Тоа едноставно не е опција. Таквото сценарио би имало сериозни последици врз безбедноста на Русија и е целосно неприфатливо.“ – Дмирти Песков портпарол на Кремљ.
Во меѓувреме, раздорот меѓу Трамп и Зеленски се продлабочува. Откако Трамп го обвини украинскиот прептседател дека е диктатор без избори, а Зеленски порача дека трамп живее во Меур од дезинформации, во војната на зборови се вклучи и потпретседателот на САД, Џеј ди Венс. Го предупреди Зеленски да не го критикува Трамп напоменувајќи дека самата идеја за клеветење преку медиумите за да се смени мислењето на американскиот претседател е погрешен потег, особено ако сака да соработува со оваа администрација. На страната на Зеленски пак застанаа дел од европските лидери. За германскиот канцелар, Олаф Шолц, Зеленски е демократски изсбран лидер на земјата.
„Фактот дека не може да се одржат регуларни избори среде војна е во согласност со украинскиот устав и изборните закони. Никој не треба да тврди поинаку. Едноставно е погрешно и опасно да се негира демократскиот легитимитет на претседателот Зеленски.“ – Олаф Шолц канцелар на Германија.
Емануел Макрон и Кит Страмер пак следната недела заминуваат за вашингтон. Францускиот претседател и премиерот на Британија ќе му го престават европскиот план за Украина на Доналд Трамп. Западните медиуми наведуваат и дека двајцата лидери ќе побараат американски борбени авиони и ракети да бидат во состојба на готовност во Источна Европа за да можат да реагираат во случај на руско нарушување на договорот.
Посетите доаѓаат откако голем број претседатели и премиери ширум Европа изразија загриженост дека САД ги заобиколуваат во обидите да преговараат за мир со Русија.
Извор: 24vesti.mk
