Администрацијата на Трамп ја укина наредбата од времето на Бајден со која се бараше да се пријават потенцијални прекршувања на меѓународното право поврзани со оружје што Америка им го доставила на сојузниците, вклучително и Израел, информираа двајца американски функционери.
Станува збор за Меморандумот за национална безбедност-20, кој поранешниот претседател Џо Бајден го потпиша во февруари 2024 година во екот на критиките поради употреба на американски бомби од страна на Израел во војната во Газа.
Меморандумот бараше американската влада да подготви извештај за Конгресот за употребата на американско оружје од страна на други земји.
Од администрацијата на Трамп ќе се бараше во наредните месеци да поднесе извештај до Конгресот за сопствената проценка за однесувањето на Израел.
Американскиот сенатор Крис Ван Холен од Мериленд, клучен застапник за конгресен надзор на продажбата на американско оружје, рече дека одлуката за отповикување е „срамна“.
– Тоа е лоша услуга за нашата национална безбедност, глобалните човекови права и нашата положба во светот, рече Ван Холен.
Извор: 24vesti.mk
