Министерот за внатрешни работи Панче Тошковски, во Отворено рече дека системот „сејф сити“ до Нова Година, најпрво ќе се имплементира во Скопје, Куманово и Тетово и ќе функционира врз основа на праведност и факти а не врз основа на тоа дали возачот се познава со полицаецот, командирот или инспекторот. Според него, со воведувањето на „сејф сити“ граѓаните ќе имаат позитивен заклучок и ќе сфатат дека на таков начин се приближуваме до европските стандарди.
„Со воведувањето на ‘Сејф сити’ во првите македонски градови ќе има еден пробе пеиод каде што прекршоците ќе бидат забележувани но граѓаните нема да се казнуваат туку ќе добиваат опомени. Тоа е поради тоа што сакаме тие да стекнат доверба во системот“, рече Тошквски во гостување на 24 тв. и додаде дека системот постепено ќе го има низ цела држава бидејќи сите граѓани подеднакво заслужуваат нормален возен ред.
Тошковски потенцираше и дека пред казната да стигне дома, оној што направил прекршок ќе добие порака на телефон и ќе може да ја плати казната веднаш. Тој додаде и дека за почеток прекршоците ќе стигаат и на емаил адреса.
Извор: 24vesti.mk
