НУАКШОТ (АА)
– Серхат ЗАФЕР
Рибарите во Мавританија, западноафриканска земја со крајбрежје во должина од 754 километри на Атлантскиот Океан, во текот на целиот ден ловат риба, известува Анадолу.
Риболовот е меѓу најважните извори на приход за луѓето во Мавританија.
Стотици рибари од брегот на главниот град Нуакшот со првата дневна светлина испловуваат во океанот во групи со своите шарени чамци.
Рибарите кои се трудат напорно да заработат за живот, во океанот ловат десетици видови риба по жешкото време до вечерните часови, која потоа ја продаваат на рибниот пазар.
– Раздвиженоста започнува со пристигнувањето на чамците на брегот
Моментите на раздвиженост започнуваат со пристигнувањето на рибарските чамци на брегот.
Рибата се истоварува од чамците и со коли со коњи и магариња се носи до рибниот пазар покрај брегот каде се става на продажба.
Рибарите кои завршиле со своите обврски ги подготвуваат своите чамци за следниот ден.
Некои од рибари се обидуваат да се релаксираат во сенката на своите чамци по напорниот риболов.
Стотици луѓе во регионот со години продолжуваат да се занимаваат со риболов како нивен главен извор на приход.
– На плажата се организираат тури со камили
На еден дел од плажата каде што рибарите се трудат да заработат за живот, народот и туристите ужива во водите на океанот.
Во текот на денот, луѓето доаѓаат на плажите на Нуакшот за да си поминат убаво разладувајќи се од жешкото време кое понекогаш надминува 40 степени.
На брегот се организираат и специјални тури на прошетка со камили за туристите.
Извор: Anadolu Agency (AA)
