ТАСС: Евгениј Пригожин бил во урнатиот авион

August 23, 2023
1 min read

Федералната агенција за воздушен транспорт ги објави имињата на патниците и членовите на екипажот на авионот „Ембраер” кој се урна во регионот Твер, меѓу нив – Евгениј Пригожин и Дмитри Уткин, пренесува ТАСС

Претходно и „Греј зона“, канал на Телеграм поврзан со групата „Вагнер“, објави дека Пригожин загинал во уривањето на авионот

Руската новинска агенција ТАСС пренесува информација од „Росавијација“ дека во урнатиот авион „Ембраер“ биле Евгениј Пригожин и Дмитри Уткин.

„Федералната агенција за воздушен транспорт ги објави имињата на сите патници и членови на екипажот кои се наоѓале во авионот ‘Ембраер’ што се урна во регионот Твер, меѓу нив – Евгениј Пригожин и Дмитри Уткин“,

пренесува ТАСС повикувајќи се на информации од „Росавијација“.

Во авионот, според ТАСС, биле и Сергеј Пропустин, Евгениј Макаријан, Александар Тотмин, Валери Чекалов, Николај Матјусеев и тројца членови на екипажот – пилотот на авионот Алексеј Левшин, копилотот Рустам Каримов и стјуардесата Кристина Распопова.

Претходно и „Греј зона“, канал на Телеграм поврзан со групата „Вагнер“, објави дека Евгениј Пригожин загинал во уривањето на авионот. Ова е прва информација што доаѓа од кругови блиски до „Вагнер“ со кои Пригожин се прогласува за мртов, но како што нагласува Би-би-си, веродостојноста не може да се потврди.

„Главата на ‘Вагнер’, рускиот херој и вистински патриот Евгениј Викторович Пригожин почина како резултат на постапките на руските предавници. Но, тој ќе биде најдобар дури и во пеколот. Слава на Русија“,

се наведува во објавата.

Во друга објава на „Греј зона“ се наведува дека локални жители слушнале два удара пред несреќата и виделе две линии на траги од чад на небото.

Дмитри Уткин е исто така еден од основачите на „Вагнер“, како и руски разузнавач познат по тоа што има тетоважи со нацистички симболи.

Во авионот што се урна денеска во руската област Твер, северно од Москва имало уште осум лица.

Руските власти соопштија дека веќе отвориле две истраги за падот на авионот.

ИЗВОР: 360stepeni.mk

MARKETING

MARKETING

Претходно

МВР: Локализирани пожарите во Кривогаштани и Сарај, фрлени над 45 тони вода

Следно

Грција се „премисли” и побара помош од Албанија која ќе испрати 10 возила и 50 пожарникари

Latest from Blog

Се запали галијата во реката Вардар во Скопје

Пожар вечерва ја зафати галијата кај Холидеј Ин која се наоѓа на реката Вардар во центарот на Скопје, јавува МИА. Интервенирано било со противпожарно возило, и нема опасност за проширување. Причинета е

Студентите во блокада ги повикаа граѓаните нс Србија на масовен прекин на работата до исполнување на нивните барањата

Студентите во блокада во Србија ги повикаа граѓаните да започнат масовен прекин на работата од 1 јули до исполнување на три барања. Барањата се – распишување вонредни парламентарни избори, распуштање на „собирот“

ФФМ и Ла Лига ќе градат долгорочно партнерство

Можностите за идна соработка, особено во делот на едукација и развој на млади тренери, ги разгледаа денеска на средба во Скопје претставници на Фудбалската федерација на Македонија (ФФМ) и шпанската Ла Лига.

Николоски: Голем е интересот за финансирање за изградба на брзата пруга на коридорот 10

Постои сериозен интерес од неколку огромни светски финансиски институции, за финансирање на изградба на брзата пруга на коридорот 10, истакна вицепремиерот и министер за транспорт, Александар Николоски. -Очекувам дека ќе има конкуренција

Мицкоски до Кос: Лидерската средба ЕУ-Западен Балкан признание за новата енергија со која Владата ги води реформите

Премиерот Христијан Мицкоски на средбата попладнево во Владата со еврокомесарката за проширување и добрососедска политика, Марта Кос, ја истакнал определбата на Владата за интеграција во ЕУ, достоинствено и преку спроведување на суштински
Go toTop