Пратениците Бране Петрушевски и Миле Лефков од ВМРО-ДПМНЕ споделија видео како ја минуваат границата меѓу Македонија и Бугарија за да проверат дали ќе им биде дозволено да ја напуштат државата со патните исправи под старото име. Петрушевски вели дека му било дозволено да помине само со дипломатски пасош, но кој го нема новото име на државата.
„Без него не можеме да патуваме? Не знам, пробајте. Ќе ве пуштиме. Се работи само за нормален пасош, без него не можеме да излеземе. Друг акт за дипломатски пасоши нема. Но, бидејќи зборуваме за дипломатски пасош. Ви благодарам.“
Коментирајќи го ова видео, техничкиот премиер Талат Џафери рече дека функционер не треба да го злоупотребува дипломатскиот пасош и доколку има злоупотреба да му биде одземен. Од друга страна, Џафери ги обвини министерот и неговиот заменик за политичка трка со пасошите.
„Во однос на информациите што ги даваат надлежните институции, а особено министерот и дополнителниот заменик-министер во МВР, јасно е дека ниту едните, ниту другите не даваат точни информации. Факт е дека има доцнење во набавката на обрасците поради фактот што компанијата што ги обработува е со седиште во Минхен, Германија, а надлежност на Министерството за внатрешни работи е да ја следи динамиката што ја има договорено со оној што ја доби јавната набавка“, рече Џафери.
На 12 февруари истече рокот на документите со старото име. Од тој датум со старите пасоши не може да се излезе од државава, а личните карти и возачките дозволи важат за домашна употреба. Досега околу еден милион и 300 илјади граѓани имаат пасош со новото име на државата.
Авни Тахири
Извор: alsat.mk
