ЖЕНЕВА (АА) – Тедрос Аданом Гебрејесус, генералниот директор на Светската здравствена организација (СЗО), изјави дека здравствената ситуација во Газа излегла од контрола и дека секоја секунда имаат жртви во исчекување на пружање медицинска помош, јавува Анадолу.
„Ситуацијата во Газа излегува од контрола и ние ја губиме секоја секунда додека чекаме да испорачаме медицинска помош“, рече Гебрејесус, истакнувајќи дека медицинските материјали испратени во регионот на Газа од СЗО чекаат на границата веќе четири дена.
Гебрејесус истакна дека насилството меѓу страните мора да престане, нагласувајќи дека е неопходен итен пристап за да се започне со испорака на спасувачки медицински материјали во Газа.
Израелското бомбардирање и блокада на Појасот Газа продолжи 11 дена по почетокот на конфликтот со групата Хамас, а според Агенцијата на Обединетите нации за палестински бегалци (UNRWA), повеќе од еден милион луѓе се раселени, што е околу половина од вкупното население на Газа.
Конфликтот започна кога Хамас започна повеќекратни ненадејни напади на 7 октомври, кои вклучија голем број ракетни напади и упади во Израел по копно, море и воздух. Хамас рече дека рацијата била одмазда за претходните упади во џамијата „Ал Акса“ и зголемувањето на насилството од страна на израелските доселеници.
Како одговор, израелската војска започна операција против позициите на Хамас во Појасот Газа.
Според последните информации на Министерството за здравство во Газа, повеќе од 3.500 Палестинци се убиени во израелските воздушни напади врз Газа, вклучувајќи го и синоќешното бомбардирање на болницата „Ал-Ахли“.
Во судирите загинаа повеќе од 1.400 Израелци.
