Судскиот совет на синоќа итно свиканата 487 седница одлучи да му го одземе имунитетот на врховниот судија за примање на мито и одлучи да ја одобри мерката притвор што претходно беше побарана од Јавното обвинителство. Судијата е осомничен за примање поткуп од 10.000 евра.
„Се одзема имунитетот на врховен судија заради непречено водење на кривичната постапка. Се одобрува барањето за одобрување на мерката притвор за судија на Врховен суд поднесено од судија на претходна постапка на Основниот кривичен суд Скопје. Времено се одалечува од вршењето судиска функција, судија на Врховниот суд до правосилно решавање на кривичната постапка“, соопштија вечерва од Судскиот совет.
На итната седница свикана на полноќ, со сите 10 гласа за на присутните членови на Судскиот совет јавноста беше исклучена од распрвата дали на судијата на Врховниот суд ќе му биде одземен имунитетот зошто според Законот за Судски совет, расправата е од доверлив карактер и се води без присуство на јавноста.
Група истражители доцна синоќа вршеле претрес во канцеларијата на судијата.
Извор: 24vesti.mk
