Потрошени се изговорите за непочитувањe на правата на Македонците, официјална Софија е пред раскрсница – конечно да ги спроведе пресудите од Стразбур или отворено да ги крши одлуките, порача, за ТВ 24, Стојко Стојков од ОМО Илинден-Пирин, за време на промоција на делото „Многуимените Други“ во МАНУ. Стојков вели дека за Комитетот на министри на Совет на Европа – аргументите на Софија се неприфатливи, а најави и голем бран на нови пресуди.
Стојко Стојков ОМО Илинден-Пирин – Нашата борба не запира ниту момент, ние продолжуваме да се обраќаме, има најразлични организации кои што се обидуваат да се регистрират, ако не успеат, одат во Стразбур, така што се очекува еден голем бран на нови пресуди. Се обидуваме во Европа , бараме канали.
Според Стојков, можеби политичката сцена во Софија е нестабилна, но затоа позицијата кон македонското малцинство е константа.
Стојко Стојков ОМО Илинден-Пирин – Се што правеше, за жал, Бугарија во изминатите децении, беше да наоѓа изговори – зошто нема да ги почитува правата на Македонците во Бугарија, зошто ќе ги негира, тие изговори се потрошени. Во комитетот на министри веќе, во своите извештаи стои констатацијата дека ова се неприфатливи аргументи и затоа сега Бугарија е во тешка дилема или да започне да ги применува пресудите на судот во Стразбур или да започе отворено да ги крши одлуките на Комитетот на министри.
Според Стојков, Бугарија од 2016 година е ставена под силен мониторинг и била принудена да прави разни маневри да избегне казни. Комитетот на министри на Советот на Европа, пак, побара од Бугарија до крајот на декември да даде извештај за чекорите што ќе ги преземе во врска со пресудите на Европскиот суд за човекови права. Во Бугарија нема свест за правата на малцинствата, а Македонците се обесхрабрени да се самоидентификуваат, стоеше во последниот извештај на Советодавниот комитетна Советот на Европа.
Извор: 24vesti.mk
