Мартин Стојановски, координатор на советничката група на ВМРО-ДПМНЕ во Советот на Град Скопје, денеска истакна дека приватните превозници го прифатиле предлогот на советниците од ВМРО-ДПМНЕ, а цената за километар ќе биде 100 денари.
„Ние предмалку во рок од траење од еден час одржавме одлична и успешна средба со приватните превозници каде што дадовме како предлог за иницијатива за вонредната седница која треба да следи доколку нели нема вонредна седница, ние ќе иницираме вонредна седница со единствена точка да ги прифатиме условите на приватните превозници за покачување на цената за километар во рок што е со договор на приватните превозници заклучно со месец мај 2025 година.
Нашиот предлог е како што бев информиран од приватните превозници дека цената е 69 до 70 денари за изминат километар кон приватните превозници, тоа да биде со измена на Совет, со одлука на Совет да биде 100 денари од километар заклучно со месец мај додека им трае првиот дел од договорот.
Ние како советници го предложуваме тој предлог, приватните превозници го прифатија и се надеваме дека доколку утре или задутре биде вонредната седница заедно со другите колеги советници ќе го изгласаме тој предлог.
Одлична можност имаше што разговаравме со приватните превозници за сите нивни проблеми.
Ние и во иднина ќе продолжиме да дискутираме за сите нивни проблеми. Радосен и среќен сум што најдовме решение заедно со моите колеги советници од советничката група на ВМРО-ДПМНЕ и коалицијата и тоа е голем доказ дека ВМРО-ДПМНЕ, советничката група на ВМРО-ДПМНЕ и коалицијата работат стриктно во интерес на граѓаните.
Сакам да знаете дека со оваа одлука доколку би се изгласала нели и од другите колеги советници и затоа повикувам јавно вечерва на следната седница сите колеги советници од сите советнички групи го поддржат овој предлог да се зголеми цената на километар од 70 денари на 100 денари до месец мај за приватните превозници.
Сакам да кажам дека тука не спаѓа никакво покачување на цената за граѓаните, што значи дека ние успеавме во договорот со приватните превозници да издејствуваме да нема никакво покачување на цената на билетот во правец или месечните билети до месец мај за граѓаните. Тоа е голем успех за нас, тоа е голем успех и за приватните превозници затоа што се надевам дека и градоначалничката ќе го стави на точка на дневен ред оваа иницијатива и ќе го прифати овој предлог да нели од понеделник, најдоцна до понеделник доколку се одржи веќе имаме приватни автобуси на улиците затоа што нели тие се дел од крвотокот на градот Скопје.
Повикувам на разум на сите колеги советници, на разум на градоначалничката Арсовска да им се исплати долгот на приватните превозници затоа што предмалку бев информиран дека за некој од приватните превозници не е исплатен долгот од 5-ти месец, на некој од 6-ти месец и се надевам дека ќе им биде брзо исплатен. Нели ние како советници не можеме да и влијаеме на таа исплата, тоа нели се прави со потпис и со насока од градоначалникот“, вели Стојановски.
ИЗВОР: ТВ 21
