реклама
Директорот на Агенцијата за управување со одземен имот, Дритон Небиу, тврди дека вработените добиваат закани поради постапките за продажба на недвижен имот кои во последно време се ставени на аукција. Моментално на аукција се становите на поранешниот директор на УБК, Сашо Мијалков, од правосилната пресуда за предметот “Империја“.
„Верувам дека јавноста треба да биде информирана за вознемирувањата и навредите за спречување на спроведувањето на продажбата на одземениот имот, продажби кои се вршат според законската регулатива на Владата на РСМ. Сите проблеми се пријавени во Обвинителство и сите истражни органи, затоа не сакам да навлезам во детали“, вели Дритон Небиу.
реклама
Но за какви закани станува збор и во каква форма?
Небиу нагласи дека досега нема потреба од страв и дека, како што вели, нема да дозволи никој да ја спречи продажбата на имотите за кои постојат судски одлуки, додека ги повика сите граѓани без страв да се пријават на аукциите на Агенцијата. Инаку, според податоците од Агенцијата, имотот на Мијалков е со вредност од 330 илјади евра.
реклама
