30
Босна и Херцеговина може да се придружи на предлозите за номинирање на американскиот претседател Доналд Трамп за Нобелова награда за мир, која тој очајно сака да ја добие, но оваа тема стана и предмет на сè пожестоки домашни политички пресметки.
Формалниот поттик за иницијативата го даде членката на Претседателството на БиХ, Жељка Цвијановиќ, која верува дека Трамп, преку својот дипломатски ангажман и личен авторитет, постигнал резултати во својот втор мандат што оставиле значаен белег во меѓународните односи и значително придонеле за смирување на кризите.
„Неговите мировни иницијативи и иновативниот пристап на Блискиот Исток, насочени кон спречување на поширока ескалација во регионот преку контакти со Израел, Иран и Палестина, придонесоа за зајакнување на перспективите за стабилност во еден од регионите во светот што се најмногу предизвикувачки за безбедноста“, се вели во нејзината иницијатива, во која Цвијановиќ го пофалува и ангажманот на Трамп во војната во Украина.
Цвијановиќ е под санкции на САД од 2023 година, а таа ја покрена оваа иницијатива во време кога нејзиниот партиски шеф Милорад Додик, кој исто така е под санкции од 2017 година, се обидува на секој начин да ја добие наклонетоста на администрацијата на Трамп, тврдејќи дека е жртва на политиките на претходните претседатели од демократските редови.
Извор: zurnal.mk
