Неможноста СОНК да ги потпише колективните договори за основно и средно образование поради немање репрезентативност е преседан. СОНК за основно и средно образование нема репрезентативност единствено од опструкцијата на комисијата за докажување на репрезентативност, порача денеска претседателот на СОНК Jаким Неделков.
Како што истакна, СОНК пред една година и 10 дена има поднесено документи за докажување на репрезентативност и до денеска комисијата за докажување на репрезентативност, која е под директна надлежност на министерството за труд и социјална политика, не ги зема во обзир. Најави дека членовите на сонк нема да седат со скрстени раце шест месеци заради претседателските и парламентарните избори и додаде дека во наредниот период ќе преземат поконкретни чекори. Смета дека и во услови на техничка влада може да се добие репрезентативност бидејќи не треба да се менуваат закони, туку само да се утврди фактичката состојба. Нагласи дека актите кои се изработени во новиот колективен договор се нивни нови „црвени линии“ од кои во иднина нема да отстапат./Алсат.мк
Извор: alsat.mk
