Нема утеха за родителилте на загинатите во пожарот во дискотеката „Пулс“ во Кочани, во кој загинаа 59 млади луѓе. Тие денеска тивко маршираат по улиците на Кочани, градот завиен во црно.
Под називот „Марш за ангелите“ во 12 часот и 5 минути, како симбол на задоцнетата институционална реакција, семејствата на починатите во трагичниот пожар тргнаа од Паркот на револуцијата, на тежок, црн марш низ улиците на Кочани.
Се упатија кон Трговскиот центар, а оттаму кон зградата на Општина Кочани, Полициската станица и Основниот суд и Обвинителството.
Со солзи во очите, црна, темна, траорна облека, родителите, роднините, пријателите на загинатите во кочанската трагедита од 16 март, кога се запали дискотеката „Пулс“ во овој град, денеска уште еднаш маршираа низ градот барајќи правда. Нивната порака е јасна — нема да престанат да бараат правда додека не се открие целосната вистина за настанот што ги одзеде животите на нивните најблиски.
Маршот трае, а на семејствата им се приклучуваат бројни граѓани на овој град завиен во црно.
Со фотографии од своите најмили, кои кобната ноќ се најдоа во дискотеката „Пулс“, членовите на нивните семејства на овој марш си даваат поддршка со прегратки и понекој утешен збор.
Тивко е во кочани денеска, како и претходните дваесетина дена
ИЗВОР: racin.mk
