АЈДИН (АА) – Претседателот на Туркије, Реџеп Таип Ердоган, рече дека е елиминирана зоната на терор што терористите се обиделе да ја формираат во северниот дел на Сирија, известува Анадолу.
Турскиот претседател говореше на 8-миот Областен конгрес на АК Партијата во турската област Ајдин.
Во своето обраќање претседателот Ердоган истакна: „Со прекуграничните операции на четири места ја елиминиравме зоната на терор што се обидоа да ја формираат во северниот дел на Сирија.“
Турскиот претседател истакна дека заедно со ослободувањето на Дамаск од страна на сириската опозиција, сепаратистичките терористи се заглавени во стапица. Ердоган истакна дека сега овие терористи за себе бараат нови газди.
„Тие сега имаат само два избора. Или ќе се покајат за тероризмот и ќе го положат оружјето или нема да имаат можност да избегнат да бидат неутрализирани“, рече Ердоган.
Извор: Anadolu Agency (AA)
