Венко Филипче и официјално е реизбран за претседател на Социјалдемократскиот сојуз на Македонија (СДСМ) на денешните внатрепартиски избори.
Филипче беше единствен кандидат на денешните избори, а како што соопшти претседателот на Централната изборна комисија Бранко Георгиевски од 23.712 запишани избирачи, вкупно гласале 18.140 односно 76,5 проценти од активно регистрираните членови гласале на изборите.
„За Филипче гласале 18.001 избирачи, додека неважечки ливчиња имало 139“, изјави Георгиевски.
Се гласаше на 78 избирачки места низ државата, во општинските организации на СДСМ, а избирачките места беа отворени од 8 до 20 часот.
ИЗВОР: racin.mk
