Сириските бунтовници ја презедоа контролата врз главниот град Дамаск, непознато е каде се наоѓа претседателот Башар ал Асад

December 8, 2024
1 min read

Сириските бунтовници ја презеле контролата врз главниот град Дамаск, прогласувајќи го за „слободен“, откако почнаа офанзива која брзо напредуваше низ целата земја во последните денови.  Засега не е познато каде се наоѓа претседателот на Сирија, Башар Ал Асад.

Западни медиуми, повикувајќи се на неименувани воени команданти, јавија дека сирискиот претседател утрово со авион избегал од Дамаск на непозната локација. Според медиумите, Асад се качил во авион „Иљушин 76“ на „Сиријан ер“. Информативниот портал „Вала“ наведува дека, според неименуван израелски функционер, Асад синоќа полетал од Дамаск до руската воздухопловна база Хмеимим, со намера оттаму да продолжи кон Москва. Во меѓувреме, лидерот на најголемата бунтовничка група во Сирија им забрани на своите борци да се приближуваат до државните институции, велејќи дека тие засега ќе останат под надзор на премиерот.

Сириските бунтовнички групи објавија, дека ќе настојуваат да соработуваат со „пријателските нации“ за да постигнат стабилност и безбедност. 

„Ослободената Сирија се обидува да ги продлабочи врските со сите братски и пријателски народи засновани на заемно почитување и интерес. Ќе се стремиме да играме конструктивна улога во регионот и светот за да постигнеме безбедност и стабилност.“ – Сириски бунтовнички групи.

Сирискиот премиер Мохамед Гази Ал Џалали рече дека и подава рака на опозицијата, додавајќи дека сака да го гарантира функционирањето на државните институции. 

„Земјата треба да организира слободни избори за да им се овозможи на граѓаните да изберат кој ќе ја предводи државата.“ – Мохамед Ал Џалали премиер на Сирија.

Руското Министерство за надворешни работи соопшти дека сирискиот претседател Асад се повлекол и ја напуштил земјата откако наредил мирно предавање на власта во Сирија. Во соопштението на руското Министерство не е прецизирано каде е сега Асад, но се наведува дека Русија не учествувала во разговорите за неговото заминување. Се вели дека руските воени бази во Сирија се ставени во состојба на готовност, но во овој момент нема сериозна закана за нив.

Во него се наведува дека Москва е во контакт со сите сириски и опозициски групи и апелира до сите страни да се воздржат од насилство. Новоизбраниот претседател на САД, Доналд Трамп, оцени дека сирискиот претседател  „избегал од својата земја“ откако ја изгубил поддршката на Русија. 

„Асад веќе го нема. Неговиот заштитник, Русија, предводена од Владимир Путин, веќе не беше заинтересирана да го штити. Бидејќи Русија, која е сојузник на Асад, е зафатена со војната во Украина, таа изгледа е неспособна да го запре буквалниот марш низ Сирија, земја што ја штитеше со години. Ако русија биде принудена да се повлече од Сирија, тоа може всушност да биде најдоброто што може да и се случи, затоа што Русија никогаш немаше голема корист од Сирија.“ – Доналд Трамп новоизбран претседател на САД.

Германија, Британија и Франција го нарекоа уривањето на режимот на сирискиот претседател „добра вест“ и повикаа на политичко решение за стабилизирање на Сирија.

Извор: 24vesti.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Државната награда „Св. Климент Охридски“ врачена на годинашните добитници

Следно

ВМРО-ДПМНЕ: ДУИ да ја слушнат изјавата на Мицкоски, да не сеат магла, иако знаат дека во среда нема да се случи ништо

Latest from Blog

Николоски: Стратешкото партнерство со САД е силно, инфраструктурните проекти се реализираат со одлична динамика

Заменик претседателот на Владата и министер за транспорт, Александар Николоски денеска оствари работна средба со Никол Варнс, вршител на должноста амбасадор на САД во земјава.  На средбата беше потврдена посветеноста на стратешкото

Коњановски: Младинско катче и кариерен центар за учениците во битолското економско училиште

Учениците во СОЕУ „Јане Сандански“ во Битола добија младинско катче и кариерен центар. Просторот го уредиле самите ученици со поддршка од нивниот професор и координатор Целе Јолевски, а на свеченото отворање присуствуваше

Николоски: Ниските даноци и пристапот до европскиот пазар се предност за јапонските компании

Македонија нуди најдобри и најконкуретни услови за инвестирање во целиот регион. Имаме континуиран раст на БДП, раст на индустријата и единаесет квартали раст во градежништвото. Исто така, даночната политика е најповолна бидејќи

Не дозволувајте да изгубите пари при откупот: СЕКЕ со важни совети за правилно пакување на тутунот

Со почетокот на сезоната за откуп на тутунот, компанијата СЕКЕ упати важни препораки до тутунопроизводителите за правилно пакување и чување на произведениот тутун, со цел да се зачува неговиот квалитет и да

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со
Go toTop