На светските берзи во 2024 година поради намалената понуда, рипна цената на кафето и какаото. Цената на зрната какао, само во текот на оваа година речиси тројно се зголеми, што значително го надмина растот на цените на другите производи.
Во декември, поради послабата жетва, на берзата во Њујорк, какаото достигнаа рекордни близу 13.000 долари за метрички тон. Цената на овој производ расте веќе четврта година по ред, и тоа поради влијание на големите суши, цената расте.
„Секторот земјоделски суровини, предводен од какаото и кафето, забележа најголем раст на цените поради неповолните временски услови во клучните производни региони, што го потенцира ризикот за цените на суровините што се произведуваат и набавуваат од релативно мали географски области“, вели Оле Хансен од данската банка Саксо.
Жетвата кај најголемите производители на какао, Брегот на Слоновата Коска и Гана, е значително послаба поради лошите временски услови, болестите, но и поради шверцот и намалените површини чии сопственици се свртени кон ископување на злато. Сувото време ја намали и понудата на кафе. Цените на кафето Арабика скокнаа на највисоко ниво и поради стравувањата дека силната суша на почетокот на годината ги оштетила плантажите во највисокиот производител Бразил.
ИЗВОР: racin.mk
