На отворено пред Собранието неколку пратеници излегоа за да ги слушнат маките на граѓаните кои директно можеа да им постават прашања или да им ги кажат своите забелешки.
Ги прашавме за што разговарале со пратениците, а тие велат дека нивните поплаки не се земени предвид.
Неколку ученици рекоа дека побарале измени на законот за средно образование.
Пратеничката Диана Тоска рече дека граѓаните вообичаено се жалат за проблеми поврзани со нивните работни места, но и вадењето документи во институциите. Сања Лукаровска пак рече дека младите главно прашуваат за вештачката интелигенција.
-Има разни поплаки, јас и пред некое време во една емисија реков дека вообичаено поплаките се поврзани со нивните работни места, како и за бирократијата во институциите при вадењето различни документи, изјави Диана Тоска, пратеничка.
Оваа активност под мотото “Собраниски карван во паркот Жена Борец во Скопје – Сретнете се со Собранието, разговарајте со пратениците“ ја организира Собранието, а ќе продолжи и во другите градови.
ИЗВОР: ТВ 21
