Откако Кристијано Роналдо го напушти кампот на португалската репрезентација и се огласи за да го потврди своето заминување, масло на оганот додаде неговата сестра Елма Авеиро со жестока објава.
„По прес-конференцијата на селекторот на репрезентацијата и по разговорот со претседателот на Португалската фудбалска федерација, решив да го напуштам кампот на репрезентацијата. Кога ќе дојде време, ќе им ја кажам на Португалците вистината за причините што доведоа до моето заминување од репрезентацијата, на која отсекогаш сум бил посветен. Сега е време да им посакам среќа на Португалија и на сите мои соиграчи“, објави Роналдо.
Сестра му Елма удри по целата португалска јавност.
„Кристијано заслужуваше повеќе почит, а националниот тим мора да има подобра организација. Португалското новинарство треба повеќе да се потпира на проверени информации, а помалку на претпоставки. Португалскиот народ не заслужува да ги има најдобрите. Ние сме завидливи и незналици. Заслужуваме да се вратиме на просечноста каде што бевме пред да се појави Кристијано. Ти благодариме КР7, заслужи повеќе“, напиша сестрата на Роналдо која можеби со ова најави оти тој засекогаш ќе ја напушти репрезентацијата.
Извор: sportmanija.mk
